Новак Жокович: "Мен Надальни мағлуб этишим мумкин"

“Рафа билан Париждаги учрашув ажойиб ўтади. Теннис дунёсидаги энг қийин баҳс. Аммо мен сифатли ўйин намойиш қиляпман ва сўнгги бир ой ичида ўзимдан мамнун бўлдим. Бу ўзимга ишонч бағишлайди. Мен Надальни мағлуб этишим мумкин, акс ҳолда кортга чиқмасдим. Бу ажойиб кураш бўлади.

Берреттини билан ўйин ҳам қийин кечди. Мен йиқилдим, мухлислар кетишди, учрашув тўхтатилди. Босим жуда кучли эди, охир-оқибат бақириш орқали ҳиссиётларимни бўшатдим... Жуда зўр бўлди.

Мухлислар рақибимга ёрдам беришди, аммо у ўзи ажойиб теннис намойиш қилди. Унинг зарбаларига қаршилик кўрсатиш қийин эди. Маттео истеъдодли ва кучли зарбага эга теннисчи. Учрашув қийин бўлди “, - дея Жоковичнинг сўзларини келтирмоқда ATP матбуот хизмати.