Новак Жокович Монте-Карло "Мастерс" 1/2 финалида

"Катта Дубулға" турнирларининг 24 карра чемпиони Новак Жокович мусобақанинг 1/2 финал иштирокчисига айланди. Дунёнинг биринчи ракеткаси 1/4 финалда ATP рейтингининг 11-поғонасидан жой олган австралиялик Алекс де Минаурни 7:5, 6:4 ҳисобида таслим этди. 

Икки соату беш дақиқа давом этган баҳсда сербиялик теннисчи 2 та эйс, 5 та брейк-пойнтга эришиб, 1 та қўшхатога йўл қўйди. Минаур эса 3 та эйс, 4 та қўшхато ва 3 та брейк-пойнт қайд этди.