05 дек 11:15
Янгиликлар

Футбол

Нойер жамоадошларидан узр сўради

"Бавария" дарвозабони Мануэль Нойер Германия Кубоги 1/8 финал босқичида "Байер"га қарши ўйиннинг 17-дақиқасида тўғридан-тўғри қизил карточка олди.

Дарвозабон жарима майдончаси ташқарисида Жереми Фримпонгни қўполлик билан тўхтатиб қолди. Бу 38 ёшли кипернинг фаолиятидаги илк қизил карточка бўлди. "Бавария" "Байер"га 0:1 ҳисобида имкониятни бой бериб, мусобақани тарк этди.

"Бу ўйин тақдирига бевосита таъсир кўрсатди. Мағлубият биз учун оғир ва мен бундан афсусдаман. Жамоадошларимдан узр сўрадим. Ўша вазиятда мен кичик офсайддан ҳам умид қилгандим. Энди буни ўзгартира олмайман. Бу хато эди ва уни тан олишим керак. Афсуски, бошқа иложим ҳам йўқ".