Нукусда белбоғли кураш бўйича жаҳон ва Осиё чемпионати ўтказилди

Чемпионат дастурига кўра, 29 май куни белбоғли кураш бўйича жаҳон чемпионати баҳслари ўтказилган бўлса, 30 май куни белбоғли кураш бўйича Осиё чемпионати ташкил этилди. Қитъа чемпионатида ҳам жаҳон чемпионатидаги каби йигирмага яқин давлатдан 300 нафарга яқин спортчилар ғолиблик учун кураш олиб боришди.

Чемпионат доирасида Осиё белбоғли кураш конфедрацияси томонидан Конгресс ўтказилди. Унда конфедерация томонидан амалга оширилган ишлар ҳисоботи тингланди. Конгрессда конфедерация аъзолари томонидан Осиё белбоғли кураш конфедрацияси бош котиблигига номозодлар кўриб чиқилди. Барча аъзолар бир овоздан Сардор Дастиров номзодини бош котибликка тасдиқлади. 

Белбоғли курашнинг классик йўналиши бўйича ўтказилган Осиё чемпионатида ўғил болалар 10 та вазн тоифасида беллашишган бўлса, қизлар 7 та вазнда ғолиблик учун бор маҳоратларини намойиш этишди. 

Осиё чемпионати ғолиб ва совриндорлари:

45 кг. Исабек Бейсинбаев (Ўзбекистон) 

50 кг. Отабек Шавкатов (Ўзбекистон) 

55 кг. Темурбек Неъматуллаев (Ўзбекистон) 

60 кг. Хумоюнмирзо Билолиддинов (Ўзбекистон) 

65 кг. Аҳлиддин Маматкаримов (Ўзбекистон) 

71 кг. Нурбек Мусинбоев (Ўзбекистон) 

77 кг. Исломбек Зиётбоев (Ўзбекистон) 

85 кг. Селим Аннаназаров (Туркманистон) 

95 кг. Аббас Ракхат (Қозоғистон)

+95 кг Шоҳжаҳон Раҳматов (Ўзбекистон). 

Қизлар: 

44 кг. Рисолатхон Олимова (Ўзбекистон) 

48 кг. Зилолажон Қудратова (Ўзбекистон) 

52 кг. Гулнур Аманбаева (Ўзбекистон) 

57 кг. Назми Мундисбаева (Қирғиз Республикаси) 

63 кг. Анелия Турдибоева (Қирғиз Республикаси) 

70 кг. Санет Талабекова (Қирғиз Республикаси) 

+70 кг Райҳонахон Маматкаримова (Ўзбекистон)

Осиё чемпионати беллашувлари якунига етгач, барча ғолиб ва совриндорлар муносиб тақдирланди. Тантанали тақдирлаш маросимида Осиё белбоғли кураш конфедерацияси президенти Мўмин Муратов ҳамда Ўзбекистон белбоғли кураш федерацияси раиси Равшан Дастиров иштирок этди. 

Илҳом РАҲМОНОВ тайёрлади