10 авг 15:14
Янгиликлар

Шахмат

Нукусда оилавий жамоалар ақл-идрок мусобақасида беллашди

Нукусда шахмат ва шашка бўйича “Биз ақл-идрокли оилалармиз” мусобақасининг Қорақалпоғистон Республикаси босқичи бўлиб ўтди.

Шахмат-шашка спорт турини янада оммавийлаштириш, оилаларда соғлом турмуш тарзини қарор топтириш ва улар ўртасида ўзаро маданий-спорт алоқаларини йўлга қўйиш мақсадида ташкил этилган анъанавий мусобақада унинг ҳудудий босқичларида ғолиб бўлган 12 оилавий жамоа иштирок этди.

Кегейли тумани “Жузимбақ” овул фуқоралар йиғинидан Қадиримбетовлар оиласи мусобақа ғолиби бўлди. Амударё тумани “Дуринки” маҳалла фуқаролар йиғинидан Қурбоновлар оиласи иккинчи, Қўнғирот тумани “Адабиёт” овул фуқаролар йиғинидан Давлетбоевлар оиласи учинчи ўринга сазовор бўлди.

Ғолиблар диплом ва эсдалик совғалари билан тақдирланди.