Нукусда Ўзбекистон кубогининг тантанали очилиш маросими ўтказилди ФОТОГАЛЕРЕЯ

2000-2002 йилларда таваллуд топган ёшлар ўртасида ташкил этилган Ўзбекистон кубогининг тантанали очилиши маросими бўлиб ўтди. Тадбирда Қорақалпоғистон Республикаси спорти мутасаддилари, Ўзбекистон спорт курашлари ассоциацияси бош котиби Шуҳрат Мамадалиев, юнон-рим кураши терма жамоаси бош мураббийи Равшан Рўзиқулов, спорт фахрийлари иштирок этди. 

Маросимда Қорақалпоғистон Республикаси ички ишлар вазири Айтбай Темирханов ҳам иштирок этиб, халқаро майдонда юртимиз шарафини муносиб ҳимоя қилаётган бир гуруҳ қорақалпоғистонлик курашчиларга совға топширди. 

Улар орасида жаҳон чемпионатининг бронза медалини қўлга киритиш орқали Токио-2020 Олимпиадаси йўлланмасини қўлга киритган юнон-рим курашчимиз Жалгасбай Бердимуратов, яқинда Ҳиндистонда ўтказилган Осиё чемпионатининг бронза медали соҳиблари Даулетбике Яхшимуратова ва Актенге Кеунимжаева ҳам бор эди.