Нукусда замонавий спорт мажмуаси фойдаланишга топширилди ФОТОГАЛЕРЕЯ

Шу муносабат билан спорт мактабининг тантанали очилиш маросими ўтказилди. Маросимда Қорақалпоғистон Республикаси Жўқори Кенгаши раиси М. Ерниязов, Нукус шаҳар ҳокими П. Торешов, жамоатчилик вакиллари, спорт фахрийлари иштирок этиб, мураббий ва спортчиларни янги замонавий спорт мактабининг фойдаланишга топшрилиши билан самимий қутладилар. 

Рекнструкция ишларини олиб бориш учун давлат бюджетидан 9 миллиард 618 миллион 531 минг сўм маблағ ажратилган бўлиб, қайта таъмирлаш ишларида югуриш майдончалари резинали қопламалар билан, футбол, волейбол майдончалари эса терафлекс спорт репуломи билан қопланди. 

Бундан ташқари мураббий ва шуғулланувчилар учун кийиниш, чўмилиш хоналари ва ошхона янгидан замон талабларига мос равишда қайта таъмирланди. Ҳозирги кунда спорт мактабида 58 тренер-ўқитувчи ва 1547 нафар спортчи ўз фаолиятини олиб бормоқда. 

Спорт мактаби спортчилари 2019 йилда Жаҳон, Осий ва Ўзбекистон чемпионат ҳамда кубокларида 40 та олтин, 39 кумуш, 49 бронза медаларини қўлга киритган.