24 июн 09:46
Янгиликлар
Бокс/ММА
Нурмагомедов: "Агар Петр бизнинг олдимизга келмоқчи бўлса, муаммо йўқ"
Россиялик жангчи Умар Нурмагомедов ҳамюрти Петр Яннинг кураш маҳоратини оширишга ёрдам бериш учун тайёр эканини маълум қилди.
"Агар Петр бизнинг олдимизга келмоқчи бўлса, муаммо йўқ. Исталган вақтда ёрдам беришга тайёрмиз. Умуман олганда, Петр Стерлингга курашда ютқазмади. У грепплингда устунликни бериб қўйди ва енгилди. Петр эркин курашда анча тажрибали. Сабаби, у Доғистонда узоқ вақт машқ қилган.
У рақибга белини бериб қўйиб, катта хатога йўл қўйганди. Лекин у туриши ва курашиши керак эди. У сўнгги раундларда Стерлингга имконият қолдирмади. Менимча, Ян рақибга бироз паст баҳо берган. Чунки биринчи жангда Стерлинг ҳеч нарса қила олмаганди. Агар учинчи жанг ташкил этилса, Петр кўпроқ зарба беради, деб ўйлайман", — деди Нурмагомедов.
Эслатиб ўтамиз, Умар Нурмагомедов UFC Vegas 57 турнирининг асосий кардида Нэйт Манесга қарши октагонга кўтарилади.
Ҳавола :
Манба : fighttime.ru
Фикрлар