Нурмагомедов ҳам Саудиядаги UFC турнирида жанг қилади, рақиб маълум!

Ташкилотчилар ушбу оқшомнинг яна бир жангини тасдиқлашди. Россиялик Саид Нурмагомедов UFC on ABC 6 турнири доирасида америкалик Монтел Жексонга қарши октагонга чиқадиган бўлди. 

Маълумот учун, 32 ёшли Саид Нурмагомедов ўтган йилнинг октябрь ойида тожикистонлик Муин Гафуровни биринчи бўлимнинг ўзида мағлубиятга учратганди. Бунгача Саид америкалик Жонатан Мартинезга очколар ҳисобига кўра имкониятни бой бериб, ўзининг 4 та ғалабадан иборат сериясига чек қўйганди. Саид Нурмагомедов ҳамюртимиз Саидёқуб Қаҳрамоновга қарши жанг ўтказиб, бўғиш усули билан ғалаба қозонганди.

Америкалик 31 ёшли Монтел Жексон эса айни пайтда 4 та ғалабали серия билан келмоқда. Сўнгги жангида у Рани Яяни биринчи раундда нокаутга учратган эди. Ҳозирда ҳар иккала жангчи ҳам дивизион рейтингида Топ-15 `га кирмаган.