21 мар 08:51
Янгиликлар

Бокс/ММА

Нурмагомедов: Менга Генри Сехудони беринг

UFC промоушенида дебют қилиши кутилаётган Умар Нурмагомедов ўз фикрлари билан ўртоқлашди.

Хабиб Нурмагомедовнинг жияни ўз вазн тоифаси чемпиони Генри Сехудо, камарга даъвогар Петр Ян ва ҳеч бўлмаганда келажаги порлоқ жангчи сифатида қаралаётган Шон О'Мэллига қарши октагонга чиқиш истагида эканини маълум қилди.

"Пётр Ян, Генри Сехудо, Шон О'Мэлли. Мен уларнинг барчасини "сочиб" ташлашим керак", дея Нурмагомедовнинг сўзларидан иқтибос келтирмоқда UFC Russia.

Эслатиб ўтамиз, ММАдаги сўнгги жангини Тошкентда ўтказган Умар Нурмагомедов ўтган ойда UFC промоушени билан шартнома имзолаган эди. Унинг дебют жанги Хабиб Нурмагомедов Тони Фергюсонга қарши октагонга чиқувчи UFC 249 турнири доирасида бўлиб ўтиши лозим. Дебют жангдаги рақиб эса Хантер Азур бўлади.