27 ноя 08:50
Янгиликлар

Бокс/ММА

Нурмагомедов Ўзбекистондаги GFC 20 турнири таассуротлари билан ўртоқлашди

Россиялик мураббий Абдулманап Нурмагомедов 23 ноябрь куни Тошкентда ўтказилган GFC 20 турниридан мамнун эканлигини маълум қилди.

Унинг айтишича, турнир катта ажиотаж келтириб чиқарган, хаттоки жангларни ўз кўзи билан кўришни истаган кўплаб мухлислар ташқарида қолиб кетишган.

Бу ҳақида Хабибнинг отаси Инстаграмдаги саҳифаси орқали маълум қилди.

"Тошкентда илк маротаба ташкил этилган GFCнинг 20-юбилей турнирида 15 000 дан ортиқ мухлис қизиқарли жангларни кузатди. Битта турнирга бундай сондаги мухлисларнинг келиши илк маротаба бўлди. Икки мингдан ортиқ мухлис чипта йўқлиги сабаб аренага кира олмади.

Энг асосийси, Ўзбекистонда илк маротаба ташкил этилган бундай мусобақанинг ташкилий жараёни юқори савияда бўлди. Халқ учун шундай байрам қилиб берган жангчилар ва раҳбариятга раҳмат", - деб ёзади Нурмагомедов.

Эслатиб ўтамиз, турнирга фахрий мехмон сифатида ММАчилар Хабиб Нурмагомедов, Фрэнк Мир, Жефф Монсон, афсонавий боксчи Рой Жонс, машҳур ошпаз Нусрет ва бошқалар ташриф буюришганди.