03 июн 08:58
Янгиликлар

Бокс/ММА

Нурмагомедовни UFC 302 турниридан нима учун чиқариб юборишгани маълум бўлди

Кеча Нью-Арк шаҳридаги (АҚШ, Нью-Жерси) "Prudential Center" аренасида UFC 302 турнири бўлиб ўтган эди.

Оқшомнинг марказий жангида россиялик Ислам Махачев АҚШ вакили Дастин Порьени мағлуб этиб, енгил вазндаги чемпионлик камарини ўзида сақлаб қолди.

Жанг якунланиши билан Махачевнинг жамоадоши, Хабиб Нурмагомедовнинг амакиваччаси Усман Нурмагомедовни UFC қўриқчилари аренадан олиб чиқиб кетаётган видео тарқалди. UFC раҳбари Дана Уайт вазиятга тушунтириш берди.

"Хабибнинг укасини нима учун аренадан олиб чиқиб кетишди? У жангдан кейин октагонга югуриб кирди, аниқроғи сеткадан сакраб тушди. Сабаби шу. Жанг тугаши биланоқ октагонга сакраб кирмаслик керак. Бу иш учун қўриқчилар аренадан чиқариб юборишади", деди Дана.