22 окт 10:51
Янгиликлар

Бокс/ММА

Нурмагомедовнинг UFC 308 турниридаги рақиби сафдан чиқди, Саидёқуб Қаҳрамонов UFC'дан реванш сўради

Россиялик аралаш яккакураш устаси Саид Нурмагомедовнинг UFC 308 турниридаги бразилиялик рақиби Даниэль Сантос жароҳат олди ва турнир кардидан ечилди.

Айни пайтда UFC Саид Нурмагомедов учун янги рақиб изламоқда. Аҳамиятлиси, ўзбекистонлик собиқ UFC жангчиси Саидёқуб Қаҳрамонов Нурмагомедовни реваншга чорлади.

"Реванш жангимни ҳамма билишини хоҳлайман. Унинг бўғиш усули орқали омади келганди", дея UFC матчмейкери Шон Шелбига мурожаат қилган Саидёқуб.

Эслатиб ўтамиз, икки Саиднинг жанги 2022 йил декабрь ойида бўлиб ўтган ва ўшанда Саид Нурмагомедов бўғиш усули орқали ғалаба қозонганди.