04 июл 20:02
Янгиликлар
Гандбол
Нуротада гандбол бўйича Ўзбекистон чемпионлари аниқланди
Навоий вилоятининг Нурота туманида 14 ёшгача (U-14) бўлган қизлар ва ўсмирлар жамоалари ўртасида гандбол бўйича Ўзбекистон чемпионати ўтказилди.
27 июнь - 4 июль кунлари ташкил этилган мазкур мусобақада 12 та қизлар, 13 та ўсмирлар жамоалари чемпионлик учун ўзаро баҳс юритди. Якуний натижаларга кўра, қизлар биринчилигида қорақалпоғистонлик гандболчилар зафар қучишди. Иккинчи ўринни Наманган вилояти жамоаси қўлга киритган бўлса, учинчи ўрин Навоий вилояти жамоасига насиб этди.
Ўсмирлар биринчилигида Навоий вилояти спортчилари чемпионлик шоҳсупасига кўтарилишди. Жиззах ва Фарғона вилоятлари жамоалари мос равишда кейинги совринли ўринларни эгаллашди.
Чемпионатнинг ғолиб ва совриндорлари тегишли даражадаги диплом, медаль, қубок ва совғалар билан тақдирландилар.
Икром ХУДОЙБЕРГАНОВ тайёрлади
Ҳавола :
Манба : olamsport.com
Фикрлар