07 дек 07:41
Янгиликлар

Бокс/ММА

Нурсултон Рўзибоев Дана Уайт ва Али Абдель-Азизга мурожаат қилиб, Рамазондан олдин жанг беришларини сўради

Ўрта вазн тоифасида ўзбекистонлик UFC жангчиси Нурсултон Рўзибоев ижтимоий тармоқлардаги саҳифасига янги пост жойлади.

Ҳамюртимиз ушбу пости орқали промоутери Али Абдель-Азиз ҳамда UFC президенти Дана Уайтга мурожаат қилиб, жангга тайёр эканини билдирди.

"Жанг қачон? Мен февраль, март ойларида жанг қилишга тайёрман. Менга Рамазондан олдин жанг беринглар", - деб ёзган ҳамюртимиз.

Аввалроқ, Рўзибоев UFC'даги кейинги жангини Жеральд Мёршарт ёки Седрик Думасга қарши ўтказиши мумкинлиги ҳақида хабар берган эдик.

Эслатиб ўтамиз, Нурсултон Рўзибоев UFC'да ҳозирча битта жанг ўтказган. Бразилиялик Бруно Феррейрага қарши кечган жангда ҳамюртимиз илк раунддаёқ рақибини нокаутга учратган эди.