12 мар 09:32
Янгиликлар

Бокс/ММА

Нурсултон Рўзибоев ғалабали жангидан сўнг нималар деди?

Кеча ММАчимиз Нурсултон Рўзибоев Баҳрайнда ўтказилган турнирда франциялик Иброҳим Манени техник нокаутга учратди.

Спортчимиз ушбу ғалабадан сўнг ўз фикрларини билдириб ўтди.

"Бу муносиб рақиб эди, у баҳсга беш кун қолганида жанг қилиш учунрозилик берди. Шу томондан унга қийин бўлди. Биз бошқа рақибга тайёргарлик кўргандик, лекин вазият ўзгариб кетди.

18 мартми ёки 25 мартми, кейинги турнирда ҳам қатнашишга тайёрман. Жанг беришса бўлди.

-Рақиб греплинг, жиу-житсу ва партерда кучли эди. Буни билармидингиз?

-Ҳа, лекин мен кўпроқ тик турган ҳолда жанг қилади деб ўйлагандим. Қийин вазиятга тушиб қолишимга озгина қолди, лекин чиқиб кета олдим.

Учбурчак усулни яхши ўзлаштиргандим. Кўтариб урганда, рақиб нафас олиши қийинлашарди, бу эса деярли ғалаба дегани. Бу жангимда ҳам шундай бўлди. Барчаси Яратгандан", - деди Нурсултон Рўзибоев жангдан сўнг.