Нурсултон Рўзибоев жанг қилган UFC Fight Night 241 турниридан ким қанча ишлаб олди?

Ушбу оқшомда октагонга кўтарилган жангчиларнинг гонорарлари маълум қилинди. Асосий кардда жанг қилиб, америкалик Седрик Дюмани биринчи раунддаёқ нокаутга учратган Нурсултон Рўзибоев жами 28 минг АҚШ доллари миқдорида гонорарга эга бўлди. Ушбу сумманинг 12 минг доллари жанг учун, яна шунчаси ғалабаси учун тақдим этилди. Ҳомийлар томонидан яна 4 минг доллар берилди.  

UFC Fight Night 241 турнирининг энг катта гонорарини Крис Вайдман қўлга киритди. У бу жангидан 216 000 доллар ишлаб олди. Висенте Люке 141 000, Манон Фиоро 136 000, Хоакин Бакли 121 000, Нэт Ландвер 106 000, Хулио Арсе 102 000, Жейкоб Малкун 86 000, Кайл Нельсон 86 000, Вирна Яндироба 78 000, Ибо Аслан 74 000 долларлик чекни қўлга киритди. 

Маълумот учун, туркиялик Ибо Аслан иштирокидаги жанг оқшомнинг энг яхши жанги деб топилиб, 50 минг долларлик бонусга лойиқ кўрилганди. Нэт Ландвер ҳам ёрқин жанги сабаб бонусга эга чиққанди.