Нурсултон Рўзибоев Жон Жонс билан учрашди (ФОТО)

Нурсултон АҚШнинг Флорида штати Майами шаҳрида бўлиб ўтган UFC 327 турнирини бевосита Kaseya Center мажмуасидан кузатиб борди.

Мусобақа пайтида Рўзибоев америкалик UFC собиқ чемпиони, ММА юлдузи Жон Жонс билан ҳам учрашди ва Жонс билан суратни ўзининг Instagram саҳифасига жойлади.

Рўзибоев 27 июнь куни Озарбайжон пойтахти Боку шаҳрида ташкил этиладиган UFC турнири доирасида "Шторм" мактаби вакили, россиялик Андрей Пуляевга қарши октагонга чиқади.

Маълумот учун, 28 ёшли Андрей Пуляев UFC промоушенида 3 та жанг ўтказган. Кристиан Лерой Данкан ва Атебе Готьега очколар ҳисобига кўра ютқазган бўлса, Ник Кляйнни техник нокаут эвазига мағлубиятга учратган. 

32 ёшли Нурсултон Рўзибоев эса икки ғалабали серия билан келмоқда. Эрик МакКонико техник нокаут қилинган бўлса, Дастин Штольцфусдан ҳакамларнинг якдил қарори билан устун келган эди. Рўзибоев UFC`даги ягона мағлубиятини Хоакин Баклидан қабул қилиб олган.