02 сен 08:34
Янгиликлар

Бокс/ММА

Нурсултон Рўзибоев рейтингида ҳам ўзгариш кузатилди

Дунёнинг энг кучли лигаси ўрта вазн тоифаси рейтингини ҳам янгилади.

Унда битта ўзгариш кузатилди. Америкалик Жо Пайфер ватандоши Брендан Аллен билан ўзаро ўрин алмашиб олди. Жо 4-ўринга кўтарилди, Брендан эса аксинча, 5-поғонага пастлади. Яна бир АҚШ вакили Шон Стрикленд вазн чемпиони бўлса, ушбу камарнинг собиқ эгаси Хамзат Чимаев биринчи ўринда бормоқда. Дрикус Дю Плесси иккинчи, франциялик Нассурдин Имавов учинчи ўриндан жой олган.

Ҳамюртимиз Нурсултон Рўзибоевнинг рейтингдаги ўрни ўзгаришсиз қолди. У Топ-15`таликни якунлаб турибди. Нурсултон 5 сентябрь куни Париж шаҳрида рейтингнинг 8-поғонасидан жой олган Майкл Пейджга қарши октагонга кўтарилади. Ушбу жанг натижаси икки аралаш яккакураш устасининг рейтингдаги ўрнини ўзгартириб юборади.