20 авг 12:20
Янгиликлар

Бокс/ММА

Нурсултон Рўзибоевни мағлуб этган Хоакин Баклига машҳур рақиб берилди

Хабар берганимиздек, 6 октябрь куни АҚШнинг Юта штати, Солт-Лейк Сити шаҳрида UFC 307 турнири ташкил этилади.

Ушбу оқшомнинг яна бир қизиқарли жанги эълон қилинди.

Унга кўра, яримўрта вазн тоифасида америкалик аралаш яккакураш устаси Хоакин Бакли турнир доирасида октагонга кўтарилади. Баклига ўша куни ҳамюрти Стивен Томпсон рақиб бўлади. Жанг прелим кардга киритилган.

Турнирнинг марказий тўқнашуви яримоғир вазн чемпиони Алекс Перейра ҳамда даъвогар Халил Раунтри ўртасида кечади.

Эслатиб ўтамиз, Хоакин Бакли ўзининг сўнгги жангини май ойида ҳамюртимиз Нурсултон Рўзибоевга қарши ўтказиб, очколар ҳисобига кўра ғалаба қозонган эди. Стивен Томпсон эса 2023 йилнинг декабрь ойида бўлиб ўтган охирги жангида қозоғистонлик Шавкат Раҳмоновга имкониятни бой берган.