Нурсултон Рўзибоевнинг навбатдаги жанги тасдиқланди + ФОТО

Ушбу постда Нурсултон аввал айтилганидек, Кайо Борральога қарши жанг ўтказишини тасдиқлаган. Ҳамюртимиз кеча АҚШга жўнаб кетган эди. Демак, у менежерлари билан учрашганидан сўнг Кайога қарши жанги тасдиқлангани ҳақида хабар топган.

Насиб қилса, Нурсултон Рўзибоев 4 ноябрь куни Бразилиянинг Сан-Пауло шаҳридаги Ibirapuera Gymnasium мажмуасида ўтказиладиган UFC Fight Night турнирида Борральога қарши октагонга чиқади ва ўйлаймизки, Маҳмуд Мурадов учун бразилиялик рақибидан реванш олади. Кайо (14-1) UFC'да ҳозирча тўртта жанг ўтказиб, уларнинг барчасида зафар қучган.  

Хабарингиз бор, Рўзибоев UFC'даги дебют жангида бразилиялик Бруно Феррейра (10-1)ни биринчи раунддаёқ нокаутга учратган ва номдор рақибига фаолиятидаги илк мағлубиятни тақдим этганди. Бруно бунгача 10 та жангининг барчасида рақибларини муддатидан аввал таслим этганди.