14 мар 23:12
Янгиликлар

Бокс/ММА

Нурсултон Рўзибоевнинг проф боксдаги дебют жанги муддатидан аввал якунланди

Ҳозиргина пойтахтимиздаги "Юнусобод" спорт саройида навбатдаги профессионал бокс кечаси якунига етди.

Akhmat Fight Promotion промоутерлик компанияси томонидан ташкил этилган "Prof Boxing Night" оқшомининг марказий жанги таниқли ММАчимиз Нурсултон Рўзибоев иштирокида бўлиб ўтди.

79.3 кг вазн тоифасида 6 раундга мўлжалланган жанг муддатидан аввал якунланди. Нурсултон Тошкент вилояти вакили Баҳром Паёзовни иккинчи раундда техник нокаутга учратди ва шу тариқа профессионал боксдаги дебютини ғалаба билан бошлаб олди.

Тажрибали Паёзов проф рингда бугунгиси билан қўшиб ҳисоблаганда жами 40 та жанг ўтказган бўлиб, уларнинг 22 тасида ғалабага эришганди. Ҳисобида 15 та нокаутли ғалаба бор эди. Рўзибоевнинг ММАдаги рекорди эса 42 жангдан 34 та ғалаба.