19 июл 13:57
Янгиликлар

Бокс/ММА

Нурсултон Рўзибоевнинг "Веном"га қарши жанги асосий карддан ўрин олди

Ўзбекистонлик UFC жангчиси Нурсултон Рўзибоев 5 сентябрь куни октагонга қайтади.

Ҳамюртимизга Париж шаҳри мезбонлик қиладиган турнирда Англия вакили, тажрибали Майкл "Веном" Пейж рақиб бўлади.

Ўрта вазн тоифасидаги беллашув мусобақанинг асосий кардига киритилди.

Нурсултон Рўзибоев фаолияти давомида ҳозирга қадар 48 та жанг ўтказиб, 37 та ғалаба, 9 та мағлубият ва 2 та дуранг қайд этган. У 27 июнь куни Баку (Озарбайжон) мезбонлик қилган UFC Fight Night турнирида россиялик Андрей Пуляевни биринчи раундда сабмишен орқали таслим этиб, ғалабали сериясини учтага етказиб олганди.

39 ёшли Майкл Пейж ҳисобида эса 25 та ғалаба ҳамда 3 та мағлубият бор. У ҳам охирги учта жангини муваффақиятли ниҳоялаган. Шара Буллет, Жаред Каннонир ва Сэм Петтерсон унинг сўнгги "ўлжалари" эди.