Нурхон Қурбонова Париж-2024 Паралимпия ўйинларига иккинчи лицензиясини қўлга киритди!

Бугун икки ҳамюртимиз совринли ўринларни эгаллади. Жумладан, аёллар ўртасида F54 классида ядро улоқтириш дастурида иштирок этган Нурхон Қурбонова 7.48 метр натижа қайд этиб, делегациямиз ҳисобига бронза медалини қўшиб қўйиш баробарида ушбу йўналишда Париж-2024 ёзги Паралимпия ўйинларига тўғридан-тўғри лицензияни ҳам қўлга киритди.

Эслатиб ўтамиз, Нурхон Қурбонова 2023 йил Парижда бўлиб ўтган Жаҳон чемпионатида найза улоқтириш дастурида олтин медаль ҳамда Паралимпия ўйинларига лицензияни қўлга киритган эди. Шу тариқа ҳамюртимиз Франция пойтахтида бўладиган ўйинларда икки йўналишда медаллар учун баҳс олиб боради.