Нусратбек Тоҳиров "IBA Чемпионлар оқшоми"да ғалаба қозонди, яна бир ҳамюртимиз рақибини нокаутга учратди

Хабар берганимиздек, оқшом доирасида уч нафар ҳамюртимиз рингга чиқиши белгиланган. Уларнинг икки нафари ўз жангини ўтказди.

Дастлаб, Муҳаммаджон Рауфов россиялик Гор Туманьянга қарши рингга кўтарилди. Тўрт раундлик жангда Рауфов учинчи раундда рақибини нокаут орқали таслим этди.

Сўнгра оғир вазнли ҳамюртимиз Нусратбек Тоҳиров Антон Зайцевга қарши баҳс олиб борди. Жангда Нусратбек очколар ҳисобига кўра зафар қучди.