«Ньюкасл» Ҳусановни иккинчи марта қўлдан чиқардими?

«Табиийки, 2023 йил давомида, у «Ланс»га кетгунига қадар, Ҳусанов учун таклифлар жуда кўп эди. Россиянинг барча топ-клублари Ҳусановни ўз сафларида кўришни истаганини айтишнинг ўзи кифоя. Шу ўринда футболчининг атрофидагилар мени ҳайратга солишди. Уларнинг аниқ мақсади бор эди, улар футболчини ТОП-5 чемпионатга олиб боришни мақсад қилишганди. Улар сабр қилишди ва ўз мақсадларига етишди. 

Билишимча, «Севилья», «Ньюкасл» ва «Ланс»дан аниқ таклифлар бўлган. Бироқ «Ланс» футболчини кўпроқ истади ва чаққонроқ ҳаракат қилиб, Ҳусановни илиб кетди», — деб фикр билдирди Ҳусановнинг «Энергетик БГУ»даги мураббийи.