25 мар 15:40
Янгиликлар
Дзюдо
Обидхон Номонов Тбилиси "Катта Дубулға" турнири финалида!
Грузия пойтахти Тбилиси шаҳрида дзюдо бўйича "Катта Дубулға" туркумига кирувчи турнир давом этмоқда.
Мукофот жамғармаси 154 000 еврони ташкил этувчи мусобақанинг иккинчи куни ўрта вазн тоифасида беллашувлар ташкил этиляпти. Айни дақиқаларда кундузги дастурдан ўрин олган саралаш баҳслари якунига етиб бормоқда.
Қувонарлиси, ҳамюртларимиздан Обидхон Номонов финал йўлланмасини қўлга киритди. Номонов финалга қадар польшалик Адам Стодолски, франциялик Орландо Касорла, арманистонлик Фердинанд Карапетян ҳамда болгариялик Марк Христовни мағлубиятга учратди. Энди у кечки дастурда мусобақа олтин медали учун мўғулистонлик Ерденбаяр Батсаяга қарши татамига чиқади.
Афсуски, бугун баҳсларга киришган 4 нафар дзюдочимиз Ҳикматуллоҳ Тўраев, Мусо Собиров ва Шоҳиста Назарова медаллар учун курашиш имкониятидан маҳрум бўлишди.
Ҳавола :
Манба : olamsport.com
Фикрлар