Octagon 65 турнирида яна бир ўзбек-қозоқ дербисига гувоҳ бўламиз + ПОСТЕР

Ушбу оқшом доирасида ярименгил вазн тоифасида ўзбекистонлик аралаш яккакураш устаси Шаҳзодбек Жуманов ҳам ўз жангини ўтказади. У мусобақада қозоғистонлик Тимур Куаниш билан тўқнаш келади. Жанг асосий кардга киритилган.

Маълумот ўрнида, Жуманов шу кунгача 4 та жанг ўтказиб, уларнинг барчасида рақибларидан устун келган. Куаниш ҳисобида эса 4 та ғалабадан ташқари 1 та дуранг ҳам бор.

Аввалроқ, турнир доирасида ҳамюртларимиздан Жаҳонгир Нажмиддинов, Мавлонбек Миркомилов ва Беҳруз Исроиловнинг ҳам жанг ўтказиши ҳақида хабар берган эдик.