08 май 20:26
Янгиликлар
Бокс/ММА
Octagon 72: Жароҳатланган Муҳиддин Мамажоновнинг ўрнига жалб қилинган захира жангчиси жароҳат туфайли Саят Абдуали билан баҳсда иштирок эта олмайди
Ҳафта якунида, аниқроғи, 11 май куни Тошкентдаги "Ҳумо арена" мажмуасида ММА бўйича Octagon 72 мусобақаси ўтказилади.
Мусобақанинг иккинчи асосий беллашувида енгил вазн тоифасидаги таниқли ўзбекистонлик аралаш якка кураш устаси Муҳиддин Мамажонов Қозоғистон вакили Саят Абдуали билан баҳс олиб бориши керак эди. Бироқ Мамажонов қўли синиши оқибатида турнирда иштирок эта олмайдиган бўлди ва унинг ўрнига бошқа бир ҳамюртимиз Санжар Эркинов захира жангчиси сифатида жалб этилганди.
Аммо менежер Парвиз Абдумавлоновнинг Olamsport YouTube саҳифасидаги Fightback кўрсатувида маълум қилишича, Эркинов ҳам жароҳат олиб, мусобақада жанг қила олмаслиги аниқ бўлган.
Саят Абдуалига эса иккинчи маротаба янги рақиб топилди.
Ҳавола :
Манба : olamsport.com
Фикрлар