Octagon лиганинг ўзбекистонлик чемпиони илк бор ўз камарини ҳимоя қилади

Лига матбуот хизматининг маълум қилишича, мусобақанинг марказий жангида ярим енгил вазн тоифасида ўзбекистонлик Octagon чемпиони Муҳаммаджон Қурбонов (10-4-0) ўз камарини тожикистонлик Фарҳод Давлятов (7-2-0)дан ҳимоя қилади. Улар ўртасидаги жанг 5 раунд этиб белгиланган.

Эслатиб ўтамиз, Муҳаммаджон Қурбонов март ойида қирғизистонлик Аргенбек Абдикадир Улууни енгиб, чемпионлик камарини қўлга киритган эди.

Фарҳод Давлятов эса ўзининг охирги жангини ўтган йилнинг декабрь ойида қирғизистонлик Арсений Азамат Улууга қарши ўтказиб, очколар ҳисобига кўра зафар қучганди.