Octagon лигаси Амирхон Алихўжаев учун уч нафар рақибни таклиф қилди, улар орасида ўзбекистонлик собиқ чемпион ҳам бор!

Ушбу мусобақа доирасида ўзбекистонлик таниқли аралаш якка кураш устаси Амирхон Алихўжаев қозоғистонлик Руслан Серикпуловга қарши жанг қилиб, биринчи раунддаёқ нокаут эвазига ғалаба қозонган эди.

Лига ҳамюртимизнинг навбатдаги жанги учун уч нафар рақиб номини таклиф қилди. Улар қозоғистонлик Арнур Кабдолдаев ва Саят Абдували ҳамда ўзбекистонлик Муҳаммаджон Қурбонов.

Эслатиб ўтамиз, Муҳаммаджон Қурбонов лиганинг ярим енгил вазн тоифасида собиқ чемпион ҳисобланади. У яқиндагина ўз камарини вакант қолдирган ҳолда енгил вазн тоифасига кўтарилди.