27 июл 10:08
Янгиликлар

Футбол

Одил Аҳмедовнинг жамоадоши Европага қайтмоқчи

«Шанхай СИПГ» ярим ҳимоячиси Оскар фаолиятини Италияда давом эттирмоқчилигини айтди.

“Сўнгги ҳафтада мен Миланнинг икки жамоаси билан суҳбат ўтказдим. Ҳаммасини ошкор этиш ниятида эмасман. Бироқ, шуни айтаманки: «Мен Италияда ўйнашни хоҳлайман!», – дейди 27 ёшли бразилиялик футболчи.

Оскар 2017 йилнинг январида «Челси»дан 70 млн. евро эвазига Хитой клубига трансфер қилинганди. Унинг шанхайликлар билан амалдаги шартномаси 2020 йилга қадар мўлжалланган.

Хавбек «Шанхай СИПГ» таркибида умумий 108 учрашувда майдонга тушиб, ўз ҳисобига 35+57 кўрсаткични ёзиб қўйишга улгурган.