14 авг 08:58
Янгиликлар

Бокс/ММА

Одилжон Аслонов профессионал боксдаги навбатдаги ғалабасини қўлга киритди

Суперўрта вазндаги проф боксчимиз Одилжон Аслонов Россия Федерациясининг Екатеринбург шаҳрида бўлиб ўтган "RCC Boxing" оқшомида рингга кўтарилди.

Турнирда ҳамюртимизга россиялик Сергей Горохов рақиблик қилди. Саккиз раунд этиб белгиланган жанг тўлиқ давом этди ва унда Аслонов 80:72, 80:72, 80:72 ҳисобидаги ғалабасини нишонлади.

Бу 29 ёшли Одилжон учун проф боксдаги 9-жангида қўлга киритган 8-ғалабаси бўлди. Унинг ҳисобида битта дуранг ҳам бор. Горохов эса 26-жангидаги 9-мағлубиятини қабул қилиб олди.