11 ноя 20:07
Янгиликлар
Бокс/ММА
Одилжон Аслонов профессионал боксдаги навбатдаги жангини ҳам ғалаба билан якунлади
Россия Федерациясининг Екатеринбург шаҳрида RCC Boxing профессионал бокс оқшоми старт олди.
Мусобақа доирасида иккинчи ўрта вазн тоифасида ўзбекистонлик чарм-қўлқоп устаси Одилжон Аслонов (6-0-1) ҳам рингга кўтарилди. 28 ёшли ҳамюртимизга асли грузиялик, Россия номидан жанг қилувчи Батал Чежия (12-4-3) рақиблик қилди.
8 раундга мўлжалланган тўқнашув тўлиқ давом этди ва унда ҳакамларнинг якдил қарори билан Одилжон Аслонов ғалаба қозонди.
Бу Аслонов учун проф боксдаги еттинчи жангида қўлга киритган олтинчи ғалабаси бўлди, унинг ҳисобида бир дуранг ҳам мавжуд. Батал Чежия эса бугун ўзининг тўртинчи мағлубиятини қабул қилиб олди.
Ҳавола :
Манба : olamsport.com
Фикрлар