30 ноя 22:54
Янгиликлар
Бокс/ММА
Одилжон Аслоновнинг чемпионлик камари учун ўтказган жанги муддатидан олдин якунланди
Хабар берганимиздек, Екатеринбург шаҳрида RCC Boxing компаниясининг профессионал бокс оқшоми давом этмоқда.
Супер ўрта вазн тоифасидаги ўзбекистонлик чарм-қўлқоп устаси Одилжон Аслонов мусобақа доирасида россиялик Никита Зонга қарши баҳс олиб борди.
10 раунд этиб белгиланган жанг WBA Asia чемпионлик камари учун ўтказилди.
Афсуски, жангнинг олтинчи раунди давом этаётган бир пайтда Аслоновнинг бурчаги рингга оқ сочиқ ташлаб, жангни давом эттира олмаслигини билдирди. Жанг давомида Зонь Аслоновни бир неча маротаба нокдаун ҳолатига ҳам туширди.
Шу тариқа, боксчилар ўртасидаги иккинчи жангда Никита ғалаба қозонди. 2022 йил август ойида ўтказилган илк баҳсда дуранг қайд этилганди.
Аслонов бугунги иштироки орқали профессионал фаолиятидаги илк мағлубиятини қабул қилди.
Ҳавола :
Манба : olamsport.com
Фикрлар