07 янв 16:52
Янгиликлар

Бокс/ММА

Одилхон Камолов Octagon билан нечта жангга шартнома имзолагани ва гонорари ҳақида маълумот берди

Ўзбекистонлик поп-ММА жангчиси Одилхон Камолов 29 декабрь куни "Ҳумо Арена" мезбонлик қилган Octagon 68 турнирида ғалабага эришганди.

Ўша куни у қашқадарёлик Жасурбек "Тайсон" Жўраевни илк раунддаёқ қўлини оғритиш усули билан мағлубиятга учратганди. Одилхон "Трамплин" Камолов Инстгаграмдаги жонли эфирида Octagon лигаси билан нечта жангга шартнома имзолагани ва гонорарлари ҳақида гапирди.

"Octagon билан 5 та жанг учун шартнома имзолаганман. Гонорарим 2,5+2,5 кўринишида. Яъни, жанг учун 2500 доллар оламан. Ғалаба учун ҳам 2500 доллар берилади. Келишувда трилогия ҳам бор. Бу жанглар учун 3000+3000 кўринишидаги гонорарга келишганмиз. Айтишим мумкин, Лигадаги энг катта гонорарни мен оламан", - деди Одилхон.