ОФК сайти: Шомуродов гол урмаган ўйинда Ўзбекистон тўп кирита олмаяпти

Ўзбекистон миллий терма жамоаси шу куни сафарда Фаластин меҳмони бўлади. Барча гуруҳларда қизғин кураш кечиши кутиляпти. ОФК сайти ҳам саралаш босқичи стартида бир қанча қизиқарли маълумотларни бериб бориб боришга ҳаракат қиляпти. 

Бугун ташкилот расмий сайти Россия чемпионатида тинмай гол ураётган Элдор Шомуродов ҳақида қисқача тўхталиб ўтди. Сайт ходимлари "Сиз билишингиз керак бўлган статистика" сарлавҳали мақолада шундай ёзади: 

"Ростов" таркибида еттита гол урган Элдор Шомуродов бугунги кунда Осиёнинг энг кучли ҳужумларидан бири бўлиб турибди. У Ўзбекистон терма жамоасининг моҳир ўйинчиси ҳисобланади. Қизиғи шундаки, Ўзбекистон терма жамоасининг охирги 11 та ўйинидан бештасида 24 ёшли ҳужумчи 7 та гол урди. Лекин шу 11та ўйиндан бештасида Шомуродов гол урмагани учун бошқалар ҳам тўп кирита олимаяпти. Фақат июнда ўтказилган КХДР устидан қозонилган 4:0 ҳисобидаги ғалаба бундан мустасно".