Оғир атлетика. Акбар Жўраев Жаҳон чемпионатини 2 та олтин ва 1 та кумуш, Руслан Нурудинов эса 1 та олтин ва 1 та кумуш медал билан якунлади

Бироз олдин -109 кг вазн тоифасидаги баҳслар якунланди.

Қувонарлиси, мазкур вазндаги икки ҳамюртимиз Акбар Жўраев ва Руслан Нурудинов бугун мусобақани кутилганидек, медаллар шодаси билан якунлади.

Жумладан, Акбар Жўраев дастлаб, 189 кг билан даст кўтариш баҳсларида олтин медални қўлга киритди. Силтаб кўтариш баҳсларида эса Акбар 226 кг натижа қайд этиб, кумуш медални ўзиники қилди. Аҳамиялтиси, Жўраев икки кураш натижаларига кўра ҳам энг яхшиси бўлди ва иккинчи олтин медални ўз ҳисобига қўшиб қўйди.

Мазкур вазндаги иккинчи ҳамюртимиз Руслан Нурудинов эса даст кўтариш йўналишида 180 кг билан тўртинчи ўринни эгаллади. Силтаб кўтариш баҳсларида Нурудинов 227 кг натижа билан олтин медални қўлга киритди. Икки кураш натижаларига кўра, Руслан Акбар Жўраевдан сўнг кумуш медални қўлга киритди.

Шундай қилиб, Акбар Жўраев мусобақани 2 та олтин ва 1 та кумуш, Руслан Нурудинов эса 1 та олтин ва 1 та кумуш медал билан якунлади.