Оғир атлетика бўйича Жаҳон ва Осиё чемпиони Долера Давронова карантинни қандай ўтказмоқда?

Юртимизнинг деярли барча нуқталарида ҳам карантин эълон қилинган. Биз оғир атлетика бўйича Ўзбекистон терма жамоаси аъзоси, Осиё чемпиони Долера Давронова боғланиб, спортчимиз карантин вақтида нималар билан банд эканлигига қизиқдик. 

"Коронавирус туфайли оила аъзоларим билан биргаман. Лекин бу машғулотларни ташлаб қўйиш мумкин дегани эмас. Биз карантиндамиз, таътилда эмас. Индивидуал тарзда шуғулланёпман, спорт формамни ушлаб туришга қўлдан келганча ҳаракат қиляпман. Ҳозир деярли бутун дунё спортчилари шундай ҳолатда.

Аммо ваҳимага ўрин йўқ, барчаси жойида. Асосийси тозаликка риоя қилиш зарур. Гигиена қоидаларига амал қилиш учун у ёки бу вирус шарт эмас деб ўйлайман. Барчамиз бирлашсак, бу вирусни ҳам енгиб ўтамиз", - деди Навоий ихтисослаштирилган мактаб интернатининг 3-босқич талабаси.