Оғир атлетика бўйича Осиё чемпионати уруш туфайли қолдирилди

"Осиё оғир атлетика федерацияси (AWF) расмий баёнотига кўра, 2026 йилда ўтказилиши режалаштирилган оғир атлетика бўйича катталар ўртасидаги Осиё чемпионатининг саналарига ўзгартириш киритилди.

Маълум қилинишича, мазкур қарор Яқин Шарқ ҳамда Форс кўрфази минтақасида юзага келган ҳозирги вазиятни инобатга олган ҳолда қабул қилинган. Барча делегацияларнинг хавфсиз ва муаммосиз иштирокини таъминлаш мақсадида мусобақа янги муддатга белгиланди.

Эндиликда қитъа биринчилиги 2026 йил 12-17 май кунлари бўлиб ўтади", дейилади ташкилот хабарида.

Аслида, мазкур Осиё чемпионати 1-10 апрель кунлари Ҳиндистоннинг Гандҳинагар шаҳрида ўтказилиши керак эди. Мусобақа манзили ўзгартиришсиз қолдирилган.