11 сен 10:11
Янгиликлар

Оғир атлетика

Оғир атлетика. Бугун Жаҳон чемпионатида икки нафар вакилимизга мухлислик қиламиз

Саудия Арабистонининг Ар-Риёд шаҳрида оғир атлетика бўйича катталар ўртасидаги жаҳон чемпионатига мезбонлик қилмоқда.

Ҳозиргача оғир атлетика мундиалида Ўзбекистон терма жамоасининг тўрт нафар вакили - Жамила Панфилова, Адҳамжон Эргашев, Достон Ёқубов ҳамда Шаҳлохон Абдуллаева ўз имкониятларини синаб кўрди ва афсуски, бу спортчиларимиз мусобақани медалсиз якунлашди.

Бугун терма жамоамизнинг яна икки нафар спортчиси - Муҳаммадқодир Тоштемиров (-81 кг) ва Сарварбек Зафаржонов (-89 кг) ғолиблик учун курашади.

Зафаржонов иштирокидаги чиқиш Тошкент вақти билан соат 16:00 да бошланса, Муҳаммадқодир Тоштемиров иштирокидаги баҳслар соат 18:30 га тўғри келади.