11 дек 14:34
Янгиликлар
Оғир атлетика
Оғир атлетика. Бугун Оғабек Тўхтаев ва Муҳаммадқодир Тоштемировга мухлислик қиламиз
Колумбиянинг Богота шаҳрида ўтаётган оғир атлетика бўйича жаҳон чемпионатининг бугунги кунида Ўзбекистон терма жамоасининг яна икки нафар вакили Оғабек Тўхтаев ҳамда Муҳаммадқодир Тоштемиров супага чиқишади.
Ҳар икки спортчимиз ҳам -81 кг вазн тоифасида иштирок этишади. Тўхтаев Тошкент вақти билан 21:30 да бошланадиган “Б” гуруҳида катталар ўртасидаги дунё биринчилигида дебют қилса, Тоштемиров 12 декабрга ўтар кечаси 02:30 да старт оладиган “А” гуруҳи баҳсларида медаллар учун курашади.
Чемпионлик учун беллашадиган гуруҳ таркиби:
Муҳаммадқодир Тоштемиров (Ўзбекистон)
Елеман Сеиткази (Қозоғистон)
Жае Ву Ким (Корея Республикаси)
Оскар Мартинес (Италия)
Дайин Ли (Хитой)
Мир Мустафо Жаводи (Эрон)
Густаво Малданадо (Колумбия)
Режепбай Режепов (Туркманистон)
Марин Робу (Молдова)
Андрес Мата (Испания)
Андрес Кайседо (Колумбия)
Чжиёнг Ши (Хитой).
Ҳавола :
Манба : olympic.uz
Фикрлар