07 сен 07:20
Янгиликлар
Оғир атлетика
Оғир атлетика. Икки нафар ҳамюртимиз ЖЧдаги иштирокини бошлади, бугун Достон Ёқубов чиқиш қилади
Саудия Арабистонининг Ар Риёд шаҳрида оғир атлетика бўйича жаҳон чемпионати бошланди.
Бугун мусобақанинг иккинчи куни доирасида эркаклар ўртасида -67 кг вазн тоифасида беллашувлар ташкил этилади.
Ушбу вазн тоифасида юртимиз шарафини Достон Ёқубов ҳимоя қилади. Баҳслар Тошкент вақти билан соат 21:00да бошланади.
Кеча ЖЧ доирасида ҳамюртларимиз Адҳамжон Эргашев ва Жамила Панфилова чиқиш қилди.
61 кг вазн тоифасида Адҳамжон Эргашев даст кўтаришда 126, силтаб кўтаришда 160, умумий ҳисобда 286 кг натижа кўрсатди.
55 кг вазнли Жамила Панфилова эса даст кўтаришда 87, силтаб кўтаришда 102, умумий ҳисобда 189 кг тошни ўзига бўйсундирди.
Ҳамюртларимизнинг ушбу натижалари медаллар учун етарли бўлмади.
Ҳавола :
Манба : olamsport.com
Фикрлар