Оғир атлетика. Жаҳон чемпионатининг яна бир кунини медалсиз якунладик

Кечаги кун доирасида Ўзбекистон оғир атлетика терма жамоасининг аёллар ўртасида -64 кг вазн тоифасидаги вакиласи Шаҳлохон Абдуллаева супачага чиқди. Ҳамюртимиз даст кўтариш йўналишида 91 кг, силтаб кўтаришда эса 112 кг, умумий ҳисобда 203 кг натижа қайд этди ва мусобақани медалсиз якунлади.

Абдуллаева терма жамоамизнинг мазкур жаҳон чемпионатидаги иштирокини якунлаган тўртинчи вакили бўлди. Бундан аввал Адҳамжон Эргашев, Жамила Панфилова ҳамда Достон Ёқубов мусобақадаги иштирокини якунлаган эди.

Маълумот учун, бугун терма жамоамизнинг яна икки спортчиси - Муҳаммадқодир Тоштемиров (-81 кг) ҳамда Сарварбек Зафаржонов (-89 кг) баҳсларга киришади.