Оғир атлетика. Жамила Панфилова Доха Гран-присида ўн биринчи бўлди

Мусобақанинг илк куни доирасида -49 кг вазн тоифасида Ўзбекистон терма жамоаси аъзоси Жамила Панфилова баҳсларда иштирок этган эди.

"Б" гуруҳида иштирок этган ҳамюртимиз даст кўтариш йўналишида 78 кг, силтаб кўтаришда эса 96 кг, икки кураш якунига кўра 174 кг натижа қайд этган эди.

Кеча ушбу вазн тоифасида "А" гуруҳидаги беллашувлар ўтказилди.

Ушбу гуруҳда қайд этилган якуний натижаларга кўра, хитойлик Жианг Ҳуиҳуа 216 кг билан олтин, Шимолий Корея вакиласи Ри Сонг Гум 213 кг натижа билан кумуш ҳамда яна бир хитойлик спортчи Ҳоу Зиҳуй 209 кг тош кўтарган ҳолда бронза медалига эга чиқди.

Икки кураш якунига кўра 174 кг натижа қайд этган Жамила Панфилова якунда 11-ўрин билан чекланди.

Маълумот ўрнида, Гран-при туркумидаги мусобақаларда ғолиблар икки кураш якунига кўра аниқланади.