Оғир атлетика. Жамила Панфилова жаҳон чемпионатидаги иштирокини якунлади (+ФОТО)

Мусобақанинг навбатдаги куни супачага -55 кг аёллар кўтарилишди. Ушбу гуруҳда ҳамюртимиз Жамила Панфилова ҳам иштирок этди. 

2003 йил Тошкент вилояти таваллуд топган спортчи қизимиз жаҳоннинг энг сара атлетлари билан муносиб баҳс олиб борди.

Даст кўтариш машқида дастлабки уринишда 82 кгни кўтарган Панфилова, кейинги икки уринишда 86 кг тош Жамилага оғирлик қилди. Силтаб кўтаришда ҳамюртимиз 98 кг натижа қайд этди. Ишониб қоламизки, жаҳон чемпионати спортчимиз учун яхши маҳорат мактаби бўлиб хизмат қилади.

Кучли учлик эса қуйидагича кўриниш олди:

Катталар ўртасида жаҳон чемпионати
Аёллар -55 кг  
1. Гуфран Белкхир - 203 (92+111) кг;
2. Аденике Адижат Олариное - 203 (90+113) кг;
3. Свитлана Самуляк - 201 (91+110) кг;
15. Жамила Панфилова (Ўзбекистон) - 180 (82+98) кг.