Оғир атлетика. ЖЧда медаллар жамғариш рейтингида Ўзбекистоннинг ўрни қандай?

Кеча -81 кг вазнли юртдошимиз Муҳаммадқодир Тоштемиров олтин ва бронза медалларини қўлга киритди. У даст кўтаришда олтин, умумий ҳисобда эса бронза медалига эга чиқди.

Ушбу муваффақиятдан сўнг Ўзбекистон медаллар рейтингига кирди.

"Кичик медаллар" рейтингида битта олтин медаль билан 12-ўринга чиқиб олдик. 

"Катта медаллар" рейтингида эса битта бронза билан 13-ўринга жойлашдик. 

Ҳар икки йўналишда ҳам Хитой терма жамоаси пешқадам бўлиб турибди. 

Ҳали яна бир неча йўналишларда атлетларимизнинг чиқиши кутиб турибди. Руслан Нурудинов, Акбар Жўраев каби юртдошларимиз 16 сентябрь куни медаллар учун курашадилар:

Эркаклар:

13.09 16:00  -96 кг: Суннатилла Ўсаров

13.09 23:30  -102 кг: Шарофиддин Амриддинов

16.09 21:00  -109 кг: Руслан Нурудинов

16.09 21:00  -109 кг: Акбар Жўраев

17.09 18:30  +109 кг: Рустам Жангабоев

Аёллар:

15.09 21:00  -87 кг: Ригина Адашбаева

16.09 13:30  +87 кг: Турсуной Жабборова.