24 мар 15:54
Янгиликлар

Оғир атлетика

Оғир атлетика. Катталар ўртасидаги Ўзбекистон чемпионатда қайси жамоа қанча медаль жамғарди?

Хива шаҳридаги Миллий ва Олимпия спорт турларига ихтисослаштирилган мактаб-интернатда 3 кун давом этган катталар ўртасидаги Ўзбекистон чемпионатида 141 нафар эркак ва аёл спортчилар ғолиблик учун супачага чиқишди.

Шундан 73 нафарини эркаклар, 68 нафарини эса аёллар ташкил этди. Спортчилар 10 тадан вазн тоифасида мусобақалашди.

Чемпионатда мезбонлар тўлиқ таркиб билан қатнашди (10 нафардан эркак ва аёл). Тошкент, Самарқанд вилоятлари ва Қорақалпоғистон Республикаси эркаклар жамоаси тўлиқ 10 нафар спортчидан иборат бўлди.

Медаллар жамғаришда мезбон Хоразм вилояти вакиллари жами 12 та медаль (5та олтин, 4та кумуш, 3та бронза) билан 1-ўринни эгаллади. 2-ўринни умумий 6 та медаль (5-1-0) билан Тошкент вилояти спортчилари банд этишган бўлса, кучли учликни 6та медаль (2-3-1) билан Бухоро вилояти спортчилари якунлаб беришди.

Ўзбекистон оғир атлетика Федерацияси матбуот хизмати