Оғир атлетика. Осиё чемпионатида иштирок этувчи спортчиларимиз рўйхати маълум қилинди

Қитъамизнинг энг кучли атлетларини жамлайдиган мазкур Осиё чемпионатида юртдошларимиз ҳам иштирок этишади.

Ўзбекистон оғир атлетика федерацияси раисининг биринчи ўринбосари Шаҳрулло Маҳмудов бошчилигидаги делегациямиз айни пайтда мазкур турнирга қизғин ҳозирлик кўрмоқда. Мусобақада иштирок этувчи таркибимиз билан танишинг:
Эркаклар:
-73 кг: Адҳамжон Эргашев ва Достон Ёқубов
-96 кг: Фарҳод Собиров
-102 кг: Суннатилла Ўсаров
-109 кг: Акбар Жўраев
+109 кг: Рустам Жангабаев
Аёллар:
-55 кг: Муаттар Набиева
-87 кг: Долера Давронова

Таъкидлаш жоиз, қитъа ва жаҳон чемпионатлари Токио Олимпиадаси учун энг кўп рейтинг очколарини тақдим этади. Шундай экан, бўлажак мусобақанинг ҳар бир вазн тоифаларида бир-биридан муросасиз беллашувларнинг гувоҳи бўлишимиз, шубҳасиз.

Терма жамоамиз вакиллари доимо халқаро мусобақаларда юқори натижа қайд этиб келишган. Умид қиламизки, бу галги қитъа биринчилигида ҳам атлетларимиз катта марраларни забт этган ҳолда юртимизга қайтиб келишади.

Беллашувлар 20 апрель куни старт олади.