Оғир атлетика. Осиё чемпионатида куннинг илк медалларини қўлга киритдик

Бироз аввал қитъа биринчилигида аёллар ўртасида -87 кг вазн тоифасидаги беллашувлар якунланди.

Унда иштирок этган Ўзбекистон терма жамоаси аъзоси Нигора Сувонова даст кўтаришда 101 кг билан олтин, силтаб кўтаришда эса 128 кг натижа билан кумуш медални қўлга киритди. Бундан ташқари, ҳамюртимиз икки кураш якунига кўра 229 кг билан яна бир кумуш медални ўз ҳисобига ёздириб қўйди.

Ўзбекистон оғир атлетика федерацияси матбуот хизмати